Etikaf

𝗘𝘁𝗶𝗸𝗮𝗳

Ibadat Ki Niyat Se Allah Ta'Aala Ke Liye Masjid Mein Thaharne Ka Naam Etikaf Hai

Etikaf Ki Teen Qismein Hain

• 𝗘𝘁𝗶𝗸𝗮𝗳 𝗪𝗮𝗷𝗶𝗯

• 𝗘𝘁𝗶𝗸𝗮𝗳 𝗦𝘂𝗻𝗻𝗮𝘁

• 𝗘𝘁𝗶𝗸𝗮𝗳 𝗠𝘂𝘀𝘁𝗮𝗵𝗮𝗯

( Durre Mukhtaar Raddul Muhtar Kitabul Saum Baab Ul Etikaf

Jild: 3 Page 492-495 )

• 𝗘𝘁𝗶𝗸𝗮𝗳 𝗪𝗮𝗷𝗶𝗯

Jaise Kisi Ne Yah Mannat Mangi Ki Mera Falan Kaam Ho Jaye Toh Main Ek Din Ya Do Din Ya Teen Din Ka Etikaf Karunga

Aur Us Ka Kaam Ho Gaya Toh Yeh Etikaf e Wajib Hai

Aur Is Ka Poora Karna Zaroori Hai,

Yaad Rakho Ki Aetikafe Wajib Ke Liye Roza Shart Hai Baghair Roze Ke Etikaf e Wajib Sahi Nahin

( Durre Mukhtar Radul Muhtar Kitabul Saum Baab Ul Etikaf

Jild 3 Page 495-496 )

• 𝗘𝘁𝗶𝗸𝗮𝗳 𝗦𝘂𝗻𝗻𝗮𝘁

Ramadan Ke Akhri 10 Dinon Mein Kiya Jayega

Yani 20 Ramadan Ko Sooraj Doobne Se Pehle Etikaf Ki Niyat Se Masjid Mein Dakhil Ho Jayen

Aur 30 Ya 29 Ramadan Ko Sooraj Doobne Ke Baad

29 Ya 30 Ramadan Ko Chand Hone Ke Baad Masjid Se Nikle

Yad Rakho Ki Aetikafe Sunnat Muakkadae Kifayah Hai Yani Muhalle Ke Sab Log Chhod Dein

Ek bhi Na Bethe To Sab Akhirat Ke Muakhze Mein Giraftar Honge

Aur Kisi Ek Ne Bhi AEtikaf Kar Liya Toh Sab Akhirat Ke Muakhze Se Bari Ho Jayenge

Is Aetikaf Mein Bhi Rozah Shart Hai Magar Wo Hi Ramadan Ke Roze Kaafi Hain

( Durre Mukhtar Radul Muhtar Kitabu Saum Baab Ul AEtikaf

Jild 3 Page 495-496 )

• 𝗘𝘁𝗶𝗸𝗮𝗳 𝗠𝘂𝘀𝘁𝗮𝗵𝗮𝗯

Etikaf Mustahab Yeh Hai Ki Jab Kabhi Bhi Din Ya Raat Mein Masjid Ke Andar Dakhil Ho Toh AEtikaf Ki Niyat Kar Le

Jitni Der Tak Masjid Mein Rahega AEtikaf Ka Sawab Paega

Niyat Mein Sirf Itna Dil Mein Khayal Kar Lena

Aur Munh Se Kah Lena Kaafi Hai Ki Maine Khuda Ke Liye Aetikafe Mustahab Ki Niyat Ki

•𝗠𝗔𝗦𝗟𝗔

Mard Ke Liye Zaruri Hai Ki Masjid Mein AEtikaf Kare

Aur Aurat Apne Ghar Mein Us Jagah AEtikaf Karegi Jo Jagah Us Ne Namaz Padhne Ke Liye Muqarrar Ki Ho

( Durre Mukhtar Kitabul Saum Baab Ul AEtikaf Jild: 3 Page: 493-494 )

•𝗠𝗔𝗦𝗟𝗔

Etikaf Karne Wale Ke Liye Bila Uzr Masjid Se Nikalna Haram Hai

Agar Nikla Toh Etikaf Toot Jayega Chahe Qasdan Nikla Ho Ya Bhool Kar

Isi Tarah Aurat Ne Jis Makaan Mein AEtikaf Kiya Hai Usko Us Ghar Se Bahar Nikalna Haram Hai

Agar Aurat Us Makaan Se Bahar Nikal Gayi Toh

Khwah Woh Qasdan Nikli Ho Ya Bhool Kar Uska Etikaf Toot Jayega

( Durre Mukhtar Kitabul Saum Baab Ul AEtikaf Jild: 3 Page: 501-503)

•𝗠𝗔𝗦𝗟𝗔

Etikaf Karne Wala Sirf Do Uzron Ki Wajah Se Masjid Se Bahar Nikal Sakta Hai

( 1 ) UZRE TABAI

Jaise Peshaab Pakhana Aur Ghusle Farz Wa Wuzu Ke Liye

( 2 ) UZRE SHARAI

Jaise Namaze Juma-a Ke Liye Jana

In Uzron Ke Siwa Kisi Aur Wajah Se Agarche Ek Hi Minute Ke Liye Ho

Masjid Se Agar Nikla Toh AEtikaf Toot Jayega

( Durre Mukhtar Radul Muhtar Kitabul Saum Baab Ul AEtikaf

Jild: 3 Page: 501-503 )

•𝗠𝗔𝗦𝗟𝗔

Etikaf Karne Wala Din Raat Masjid Hi Mein Rahega

Wahin Khaye Piye Soye Magar Yeh Ehtiyat Rakhe Ki Khane Pine Se Masjid Gandi Na Hone Paye

Moatakif ( Etikaf Karne Wala ) Ke Siwa Kisi Aur Ko Masjid Mein Khane Pine Aur Soney Ki Ijazat Nahin Hai

Is Liye Agar Koi Aadmi Masjid Mein Khana Pina Aur Sona Chahe Toh Usko Chahiye Ki Etikaf e Mustahab Ki Niyat Kar Ke Masjid Mein Dakhil Hon

Aur Namaz Padhe Ya Zikre Ilaahi Kare

Fir Uske Liye Khane Pine Aur Soney Ki Bhi Ijazat Hai

( Durre Mukhtar Wa Radul Muhtar Kitabul Saum Baab Ul Etikaf

Jild 3 Page:506)

•𝗠𝗔𝗦𝗟𝗔

Etikaf Karne Wala Bilkul Hi Chup Na Rahe

Na Bahut Zyadah Logon Se Baat Cheet Kare

Balki Us Ko Chahiye Nafil Namazein Padhe Tilawat Kare Ilm Deen Ka Dars De

Auliya Wa Saliheen Ke Halat Sune Aur Dusron Ko Sunaye

Kasrat Se Durood Shareef Padhe Aur Zikre Ilaahi Kare Aur Aksar Ba Wazu Rahein

Aur Duniyadaari Ke Khayalat Se Dil Ko Paak Saaf Rakhe

Aur Ba Kasrat Ro Ro Kar Gid Gida Kar Khuda Se Duayein Mange...